*** ခပ်စိမ်းစိမ်း ဘဲစားပါ့မယ်…ဘရိုကိုလီကိုကွယ် ***

ဘရိုကိုလီဟု ကြားလိုက်သည်နှင့်တပြိုင်နက် ကျန်မာရေးအတွက်ဆေးဘက်ဝင်တဲ့
အစိမ်းရောင်ပန်းဂေါ်ဖီဆိုတာကို လူတိုင်းသိနှင့် နေပြီးသားဖြစ်ကြမှာပါ။
ဂေါ်ဖီမျိုးနွယ်ဝင်ဖြစ်တဲ့ ဘရိုကိုလီတို့ ဟာ အခြားသော ဂေါ်ဖီထုပ်၊
ပန်းဂေါ်ဖီ(အဖြူ)တို့ ထက် ပိုနူးညံ့ပြီး၊ အတန်ငယ်သက်ကာ
အရသာလဲပိုကောင်းတာမို့့ Super vegetable လို့ ဆိုကြပါတယ်။ WHFoods ရဲ့ 
ဓာတ်ခွဲစမ်းသပ်ချက်များ အရ၊ ၁၀၀ ဂရမ် အလေးချိန်ရှိသော
ပန်းဂေါ်ဖီစိမ်းထဲတွင် ခွန်အား ၃၄ ကယ်လိုရီ၊ ကစီဓာတ် ၆.၆၄ ဂရမ်၊ သဘာဝသကြား
၁.၇ ဂရမ်၊ ပရိုတင်း ၂.၈၂ ဂရမ်၊ ရေဓာတ် ၈၉.၃၀ ရမ် တို့ အပြင်၊ လူသားတို
့ကျန်းမာရေးကို အထောက်အကူဖြစ်စေတဲ့ ဗီတာမင် နှင့် သတတ္တုဓာတ်တို့ 
ကြွယ်ဝစွာရှိကြတယ်လို့ လေ့လာမှတ်သားရပါတယ်။ Johns Hopkins University ရဲ
့သုတေသနပြုချက်များ အရ ဘရိုကိုလီဟာ ကင်ဆာအကြိတ်အဖုတွေကြီးထွားလာမှုကို ၇၅%
လောက် ကာကွယ်တားဆီးပေးနိုင်တာကြောင့်၊ အထူးသဖြင့် အူမကြီးကင်ဆာ၊
ဆီးအိမ်ကင်ဆာ၊ ရင်သားကင်ဆာ၊ မမျိုးဥကင်ဆာ နှင့်
အမျိုးသားများဆီးကျိတ်ကင်ဆာတို့ ကို ထိထိရောက် ရောက်ကာကွယ်ပေးနိုင်တယ်လို
့ဆိုပါတယ်။ ဒါတင်မကသေးပါဘူး ဘရိုကိုလီမှာ ချေဖျက်လွယ်သောအမျှင်ဓာတ် ၂.၆
ဂရမ် ပါရှိ တာကြောင့် ခန္ဓာကိုယ်အလေးချိန် ပုံမှန်ထိန်းသိမ်းလိုသူများ
အားထားလောက်တဲ့ ဟင်းသီးဟင်းရွက်ကလေးပါဘဲ။ နောက်ပြီး အရွယ်တင်
နုပျိုစေတယ်တဲ့နော်။


ဘရိုကိုလီ ရဲ့  ဇာစ်မြစ်ဒေသမှာ အီတလီနိုင်ငံဟုဆိုသော်လဲဘဲ၊ ယနေ
့ကမ္ဘာ့နိုင်ငံအသီးသီးရဲ့  ထမင်းစားပွဲဝိုင်းများမှာ သူက ပဏ္ဍာ ရလို
့နေပါတယ်။ မည်သည့်ဟင်းသီးဟင်းရွက် သစ်သီးဝလံမျိုးကိုမဆို
အကြာကြီးအပူပေးကာ နွမ်းတဲ့အထိမချက်ပြုတ်သင့်ပါဘူး။ အဲလိုချက်လိုက်တဲ့အခါ၊
၎င်းတို့ အထဲမှာရှိတဲ့ သဘာဝအာဟာရဓာတ်တွေ လျော့နဲသွားပြီး၊
အရသာလဲပေါ့သွားကာ၊ စားလို့ လဲမ ကောင်းတော့ဘူးပေါ့။ ဘရိုကိုလီဟာလည်း
ထိုနည်း၎င်းပါဘဲ။ ၂ မိနစ်ခန့် သာ အပူပေးချက်ပြုတ်တာ
အသင့်လျော်ဆုံးဖြစ်ပါတယ်။ လတ်ဆတ်မှုရှိမှသာ
ဟင်းလျာကောင်းတစ်ခွက်ရရှိမှာဖြစ်ပါတယ်။ ဘရိုကိုလီဟာ လတ်ဆတ်လေ
အစိမ်းရောင်ရင့်လေဖြစ်ပြီး၊ အပွင့်စိမ်းများဟာလဲ ကြပ်ခဲသိပ်သည်းကာ၊
ရိုးတံခြေထောက်များလဲ တောင့်တင်းနေတာမို့  အရွေးမမှားကြဖို့ လိုပါတယ်။
နောက်ပြီး ဘရိုကိုလီရဲ့အရိုးဟာလည်း စွန့် ပစ်စရာမလိုဘဲအပေါ်ကအခွံနွှာပြီး
စားသုံးလို့ရတယ်ဆိုတာ မမေ့ကြနဲ့ ဦးနော်။ အရေးကြီးတာ တစ်ခုကတော့
ဘရိုကိုလီများ ဈေးကွက်ထဲမရောက်ခင် စိုက်ခင်းထဲမှာ
ပိုးသတ်ဆေးဖျန်းထားတတ်လို့ အော်ဂဲနစ်မျိုးကိုသာ ရွေးဝယ်သင့်ပါတယ်။
အသေချာဆုံးကတော့ ဟင်းလျာမစီမံခင် အနေတော်အတုံးလေးတွေတုံးပြီး၊
ရေစင်စင်ဆေးဘို့  အထူးလို အပ်ပါတယ်။

ကဲ...ဘရိုကိုလီရဲ့ အကြောင်းကိုတော့သိပါပြီ။ အရသာရှိအောင်
ဘယ်လိုချက်ပြုတ်စားကြရင်ကောင်းမလဲနော်။ <<ဘရိုကိုလီကြော်>>
(၁) မြန်မာအိမ်ရှင်မများကတော့ များသောအားဖြင့်
မီးပူပူမှာကြက်သွန်ဖြူလေးတပြားရိုက် ဆီသတ်ပြီး၊ ဆီပူလာရင်အိုးထဲကို ပန်း
ဂေါ်ဖီစိမ်းပစ်ထဲ့ကာ ဟင်းခတ်ကြက်သားမှုန့် နှင့် ဆားအနဲငယ်စီထဲ့ပြီး၊
ခေတ္တအဖုံးဖုံးပါတယ်။ ၂-မိနစ်လောက်အကြာမှာ အိုးပေါ်က ချပြီး
ပန်းကန်ပြားပေါ်ပြောင်းထဲ့ကာ ရနံ့ အတွက် ငရုပ်ကောင်းမှုန်
့လေးနဲနဲဖြူးစားလိုက်တာပါဘဲ။ ဒါကတော့ ရိုးရိုးဘရိုကိုလီ သက်
သက်လွတ်ကြော်လေးပါ။ (၂) အိုးပေါ်ကချခါနီး ကြက်ဥ (သို့ ) ဘဲဥ ဖောက်ထဲ့ကာ
နှံ့ အောင်မွှေပြီး ကြော်တာကတော့တမျိုးပါ။ ဒီ ဘရိုကိုလီကြော်ကိုတော့
ငရုပ်ကောင်းမှုန့် ဖြူးလေ့မရှိပါဘူး။ (၃) နောက်တစ်နည်းကတော့ ၀က်သား (သို
့) ကြက်သားတို့ ကို ကြို တင်ပြုတ်ထားပြီး၊ ခပ်ပါးပါးလေးတွေလှီးထားပါတယ်။
ကြက်သွန်ဖြူ နှင့် ဂျင်းတို့ ကိုဆီသတ်ပြီးရင် စောစောကလှီးထားတဲ့ ကြက်
(သို့ ) ၀က်သား တို့ ကို ပန်းဂေါ်ဖီစိမ်းနဲ့ တပြိုင်တည်း
အိုးထဲထဲ့ကြော်တဲ့နည်းပါ။ ငရုပ်ကောင်းမှုန့် လေးဖြူးစားရင် အလွန်လိုက်ဖက်
ပါတယ်။ (၄) အသားမဟုတ်ဘဲ ပင်လယ်စာနဲ့ လဲ ကြော်စားလို့ ကောင်းတာပါဘဲ။
ပန်းဂေါ်ဖီစိမ်းကို ဆီနဲနဲနဲ့ ရေလေးဖြန်းပြီး အရင်ကြော်ကာ၊
ပင်လယ်စာတစ်မျိုးဖြစ်တဲ့ ကင်းပွန်(ပြည်ကြီးငါး)ပါးပါးလှီးပြီး၊ ခရုဆီနဲနဲ
ထဲ့ကာ အချိုအငန် အစပ်အဟပ်တဲ့ပြီဆိုရင် ငရုပ်ကောင်းလေးဖြူးပြီး
အိုးချရုံပါဘဲ။ အရည်ဆမ်းစား၊ သောက်စားလို့ ရအောင် ဆီပြန်ရေကျန်လေး
ကြော်စားရင်ပိုကောင်း ပါတယ်။ ကင်းပွန်(ပြည်ကြီးငါး)အစား ပုဇွန်နဲ
့ကြော်စားရင်လည်းကောင်းတာပါဘဲ။ (၅) ထမင်းကြော်/ အစိမ်းကြော်တွေမှာလဲ
ပန်းဂေါ်ဖီစိမ်းပွင့်လေးတွေကို ရှည်ရှည်ပါးပါးလေးတွေလှီးပြီး ကြော်စားလို
့ရပါတယ်။ (၆)ခုနောက်ဆုံးနည်းကတော့ အိမ်မှာ တခါတလေမှသာ
ကြော်စားလေ့ရှိပြီး၊ စားသောက်ဆိုင်များမှာကြော်လေ့ရှိတဲ့ နည်းလေးပါဘဲ။
ကြက်သွန်ဖြူ နှင့် ဂျင်းတို့ ကို ဆီသတ်ပြီး ဘရိုကိုလီ၊ ရေစိမ်ထားတဲ့
ကျောက်ပွင့်အဖြူရောင်၊ ငရုပ်ပွအနီ/အစိမ်း တို့ကို ပဲငံပြာရည်၊ ဆား၊
ကြက်သားမှုန့်တို့ ထည့်ပြီးကြော်တာပါ။ သက်သက်လွတ် (သို့ ) နှစ်သက်ရာ
အသားနဲ့ လဲ ကြော်စားလို့ ကောင်းပါတယ်။

<<ဘရိုကိုလီသုပ်>>
(၁) အစိမ်းသုပ်စားရင် နဲနဲမာဆတ်ဆတ်ဖြစ်ကာ၊ စိမ်းနံ့ ရတာမို့ 
ရေဆူဆူမှာပြုတ်ပြီးသုပ်စားတာအကောင်းဆုံးပါ။ ပန်းဂေါ်ဖီစိမ်း
လေးတွေပျော့မသွားအောင် ၂-မိနစ်မျှသာပြုတ်ပြီး၊
ရေအေးအေးထဲချက်ချင်းပြောင်းစိမ်ပေးရပါမယ်။ အားရပါးရနယ်ဖတ်လို့ ကောင်း
အောင် ဇလုံကြီးကြီးတစ်လုံးထဲမှာ ပန်းဂေါ်ဖီစိမ်း၊ ပါးပါးလှီးထားတဲ့
မုန်လာဥနီ/ကြက်သွန်နီ/ခရမ်းချဉ်သီး၊ မြေပဲဆန်ထောင်း၊ ပုဇွန် ခြောက်မှုန်
့၊ ပဲဆီအနဲငယ်၊ ဆား၊ ကြက်သားမှုန့် တို့ထည့်ပြီးသမအောင်နယ်ပါတယ်။
ချဉ်ချဉ်စပ်စပ်ကြိုက်ရင် ငရုပ်သီးစိမ်းနဲ့ သံပုရာ သီးတို့ ကို
လိုသလောက်ထဲ့သုပ်ကာ၊ အပေါ်က ကြက်သွန်နီဆီချက်ဖြူးထားတဲ့ မြန်မာဆန်ဆန်
ချဉ်စပ်သုပ်ကလေးပါ။ ထမင်းမြိန် စေတဲ့ ဟင်းတစ်ခွက်ပါဘဲ။ (၂) အကယ်၍
ကြက်သွန်နီဆီချက်မဖြူးဘဲ၊ ပဲငံပြာရည် နဲ့ နှမ်းအမဲရောင်လေးတွေကိုဖြူးထဲ့
သုပ်လည်း စားနိုင်ပါတယ်။ (၃) နောက်ပြီး မာလာဟင်းရယ်လို့ ခေတ်စားနေတဲ့
အသီးအရွက်သုပ်ကို ကန့်သတ်ချက်မရှိဘဲ မိမိနှစ်သက်တဲ့
အသီးအရွက်မျိုးစုံကို ထဲ့လို့ ရတာမို့ ၊ မုန်လာဥနီ၊ မုန်ညင်းဖြူ၊
ကြာစွယ်၊ ၀ဥ၊ အော်ဆွန်းတို့ နဲ့ အတူ ပန်းဂေါ်ဖီစိမ်းကိုပါ ရောနှော ကာ၊
ခပ်စိမ်းစိမ်းရေနွေးဖြောပြီး သုပ်စားလို့ လဲရတယ်နော်။ (၄) ယနေ
့အနောက်နိုင်ငံများမှာ ကျန်းမာရေးနဲ့ ညီညွတ်တဲ့ ဟင်းရွက်သုပ်တွေကို နေ
့စဉ်သုံးအစားအစာအဖြစ် သုပ်စားလေ့ရှိကြပါတယ်။ သူတို့ ကတော့ ချိစ် (သို့ )
မရောနိစ် Mayonnaise ကို အပူပေးပြီး အနဲငယ်ထဲ့သုပ်လေ့ရှိပါတယ်။
၎င်းနိုင်ငံများမှာ ကြက်သားမှုန့် အစား ပျားရည်နဲ့ သကြားတို
့ကိုထဲ့ကြပြီး၊ သံပုရာရည် အစား ဗနီဂါ အရည်ကိုသုံးကြပါတယ်။ << ဘရိုကိုလီပေါင်း >>
(၁) ဘရိုကိုလီပေါင်းတယ်ဆိုပေမယ့်၊ အလုမ်မရှုပ်မခက်ခဲပါဘူး။
အိမ်မှာထမင်းပေါင်းအိုးရှိရင်ဘဲ လုပ်ရတာလွယ်ကူလို့  ရုံးအားလပ် ရက်တွေမှာ
အဆာပြေ နေ့ လည်စာအဖြစ် လုပ်စားနိုင်ပါတယ်။ ပေါင်းအိုးထဲမှာ ရေ၊ သကြားနဲ
့ ဆားတို့ ထဲ့ပြီး၊ အပေါ် က ပေါင်းခံဇကာထဲမှာ၊ စတီးပန်းကန်ပြားထဲ့၍
ပန်းဂေါ်ဖီစိမ်းတွေကိုအတုံးကြီးကြီးတုံးကာ ရေစင်အောင်ဆေးထဲ့ပြီးတော့
အဖုံးလုံ အောင်ပိတ်ကာ ပေါင်းခြင်းပါဘဲ။ ဘရိုကိုလီတို့  အရမ်းနူးအိသွားရင်
စားမကောင်းလို့ ၊ မီးအနေတော်မှာ အချိန် ၆ မိနစ်လောက် ပေါင်းပေးပြီး၊
အပေါ်ကနေ ထောပတ်ပူပူဆမ်းစားခြင်းပါ။ ပန်းဂေါ်ဖီစိမ်းရဲ့ သဘာဝအချိုနှင့်
ထောပတ်ရနံ့ မွှေးမွှေးလေးတို့ က လွန်စွာလိုက်ဖက် လှတာမို့  အရသာရှိလှပါတယ်။
(၂) တရုပ်စတိုင်လ် ဘရိုကိုလီပေါင်းလုပ်စားမယ်ဆိုရင်တော့ ကြက်သွန်ဖြူဆီ
သတ်ပြီး၊ ငရုပ်သီး၊ မုန်လာဥနီ၊ ပဲငံပြာရည်၊ ခရုဆီ၊ ဆား၊ ကြက်သားမှုန်
့လောင်းထဲကာ၊ အရည်ဖျော်ထားတဲ့ကော်မှုန့် တို့  ရောထဲ့မွှေပြီး၊
အဲဒီအရောအနှောတွေကို ကြိုတင်ပေါင်းထားတဲ့
ပန်းဂေါ်ဖီအစိမ်းပေါ်လောင်းချခြင်းပါ။ ချိုချဉ်ကြော်ဆန်ဆန်
ဘရိုကိုလီပေါင်းထဲမှာ ကော်ရည်ပါလို့  ခပ်ပူပူစားသင့်ပါတယ်။
(မျောက်ခေါင်းမှိုခြောက်ကိုရေဆေးပြီး၊ ပြုတ်ထဲ့စားနိုင်ရင်တော့ အ
ကောင်းဆုံးပေါ့ရှင်)

<<ဘရိုကိုလီစွပ်ပြုတ်>>
(၁) ပန်းဂေါ်ဖီစိမ်းဟာ သားအိမ်ထဲရှိဆဲလ်များကို ကျန်းမာစေကာ၊
သားအိမ်အမြန်ကျက်စေသော အစွမ်းသတ္တိရှိလို့ မီးဖွားပြီးစ မိခင်များ နှင့်
သားပျက်/သားလျောသောအမျိုးသမီးများကို ပန်းဂေါ်ဖီစိမ်းဟင်းခါး (၀ါ)
ဘရိုကိုလီစွတ်ပြုတ် တိုက်ကျွေးသင့်ပါ တယ်။ ကြက်ပြုတ်ရည်ဆူဆူထဲမှာ
ဘရိုကိုလီကို ၃ မိနစ်လောက် ခပ်စိမ်းစိမ်းတည်ပြီးနောက်
ကြက်သွန်ဖြူတပြားရိုက်ထဲ့ကာ၊ ငရုပ်ကောင်း မှုန့် လေးဖြူးပြီးသောက်ရတာပါ။
(၂) ဒါမှမဟုတ် ကြက်သွန်ဖြူ နှင့် ပဲငန်ပြာရည်အကြည်တို့ ကို ဆီသတ်ပြီးတော့
ကြက်ပြုတ်ရည်၊ တို့ ဟူး၊ ပန်းဂေါ်ဖီစိမ်း တို့ တည်ကာ တရုပ်နံနံ (သို့ )
ရှမ်းနံနံ ခပ်ပြီးသောက်ရတာလဲ ထမင်းမြိန်တဲ့ ဟင်းတစ်ခွက် ပါဘဲ။
ဘရိုကိုလီဖျော်ရည်
ပန်းဂေါ်ဖီစိမ်းကိုလဲ သစ်သီးဖျော်စက်နဲ
့ကြိတ်ကာဖျော်ရည်လုပ်သောက်နိုင်ပါတယ်။ သောက်နေကျမဟုတ်တဲ့သူတွေအတွက် ကတော့
သူ့ ချည်းဘဲဆိုရင် အရသာသိပ်မကောင်းလို့ ၊
ပန်းသီးစိပ်ကလေးပါရောကြိတ်ထဲ့သောက်နိုင်ပါတယ်။ သံပုရာသီးလေး
ညှစ်ထဲ့လိုက်ရင် အရသာလဲပိုရှိကာ ပိုလဲမွှေးစေမှာပါ။ အဲ..ပန်းသီးရဲ
့အခွံထဲမှာလဲ ကျန်းမာရေးအတွက်ကောင်းမွန်တဲ့ ဓာတ်တိုး ဆန့် ကျင်
ပစ္စည်းတွေအမြောက်အများပါလို့  အခွံမနွှာဘဲထဲ့ကြိတ်သောက်နော်။

+++++++++++++++++++++++++++++++++++++++++++
ကမ္ဘာ့ကျန်းမာရေးအဖွဲ့ WHFoods က ကျန်းမာရေးအတွက်ကောင်းကျိုးပြုလှတဲ့
အစိမ်းရောင်ဘရိုကိုလီကို ဖြစ်နိုင်မယ်ဆိုရင် တစ်ပတ်ကို သုံးကြိမ်၊
လေးကြိမ်ခန့် စားသုံးသင့်ကြောင်း တိုက်တွန်းထားပါတယ်။ ဒါကြောင့်
အကျိုးကျေးဇူးများလှတာမို့ ခပ်စိမ်းစိမ်း ဘဲစားပါ့မယ်…ဘရိုကိုလီကိုကွယ်…။
<<စာနာထောက်ထားစွာဖြင့် ဆောင်းပါးရှင်အမည်ကို ပြောင်းလဲခြင်း/ချန်လှပ်ထားခြင်း မျိုး မပြုလုပ်ကြပါရန် မေတ္တာရပ်ခံပါသည် >>
(ဆောင်းပါးရှင်…ပေါက်ပေါက်...ရေးသားမျှဝေသည်)